من بكره هابقي ريس وهاكون سيد قراري
وهاعيش في حضن شعبي شوارعهم هي داري
راح اكون عادل ومنصف مع كل المحتاجين
وهاعيش انسان طبيعي من غير حرسي اللعين
انا هاحكم بالصراحة انا هاحكم في السليم
مفيش عندي وساطة ولا دفع ولا مليم
راح ابوس ارضك يامصروهاعيش شايل ترابك
مش هايغيرني قصر وهاكون اصغر عيالك
انا مصري وابن مصري مشارك في الكفاح
من يوم اخينا احمس وانا شايل في السلاح
هاديكم خير بلدنا وهانتعلم بلاش
دا الخير اصله بتاعنا وهايبقلنا المعاش
هاعدل اقتصادنا وهاموت الشفافية
خلاص احنا اتعقدنا من ام الكلمة ديه
هاجوز الشباب وهاقضي علي البطالة
وهافتح الف باب للناس الشغالة
انا مصري وابن مصري احب الناس تعيش
هاديهم من قوتي لو حتي عندي مفيش
هنشط السياحة وهاحافظ عالاثار
هاخلي الناس مرتاحة وهاخليهم احرار
وهاعدل في السياسة واولها الخارجية
وهارقب المسافة لامتنا العربية
دي مصر كانت سباقة لفكرة القومية
وحكومتي هاتبقي منكم ناس بتخاف عليكم
وهاشيلكم جوه عيني منا منكم وليكم
من بكره هابقي ريس
هاخدكم مستشاري
هايكون الرائ ليكم
هايكون منكم قراري
وايه ايه
هذه الفكرة الفتها وقلت في عقل بالي لو شعبان عبد الرحيم تقدم لانتخابات الرئاسة ماذا سيكون شكل
البرنامج الرئاسي له فكتبت ذلك فاضل شعبان عبد الرحيم يقوله
شكرا لعائلتي الكريمة السيد ابراهيم علي السيد خليفة الشال
موضوع: من بكره هابقي ريس 
الأربعاء 10 فبراير 2010, 3:34 am
